حفلة عين سعادة فقرة المعنى بين الشعار موسى زغيب و طليع حمدان

حفلة عين سعادة بين الشعار موسى زغيب وطليع حمدان
************************************************** *************
طليع:

قبلي أنا ال غنو معك يا بو ربيع صارو خريف وبعدني بعز الربيع

كنتو تغنو للعصايي والقطيع مره تضيعو من الضعف مره تضيع

لكن أنا للشعر شلالو البديع وبكرى يا موسى إن قلك الشعب الوديع

مع مين غنيت بزمانك للخلود قلو أنا غنيت مره مع طليع

موسى:

لا تمس شعرا جيلهن قبلك ربي عيب الولد يهجي رجال مشوربي

وهاك العصي ال خلو السفاهه مأدبي إن شاءالله ما إحتاجن بهيك مناسبي

مينك إنت تتخلد زغيب الأبي ما الشمس بنتي والقمر خلفي صبي

ومعتاد من لفح السياط اللاهبي مشي سباع الغاب زحف ودبدبي

وال ما زال عالمجد بصراع الأسود ما يطلب المجد بصراع الأرنبي

بالمنديال الناس كانت معجبي وطابات تدخل والشباك مكهربي

واليوم عندي بمنديال الموهبي ممنوع تدخل أي طابه لملعبي

طليع:

خبي أسودك من طليع الموهبي ومعهن يا موسى روح بكير أختبي

يا سبع ما شفت المجد عندك ربي ورح شوفك بالأرنبي المجد الأبي

حتى أرز لبنان يعلى مرتبي أعطيتو الألف والراء من هالأرنبي

بقيت نبي وقسمت خمس حروفها حرفين للآرزه وثلاثه للنبي

لما كنت بالعمر تغنيجة صبي إنبحت ع قد ما زقفتلي المرتبي

ولما حملت شقعة سنين مذهبي لعبتكن مثل الأولاد بملعبي

موسى:

ذكر النبي بلون الأرانب مش حلو تشبيه ذ لو لا عنان بتقبلو

وأرز الجنوب بنجملو ما بتقبل بأرنب طليع تجملو

إسم الأرز لمن حب الله يسجلو حط الأبد حرف الأليف بأولو

وراء من رب القصيد ومنهلو وزاي من زغيب أسمو كملو

أكبر شرف للأرز قلو يا طليع مش أخذ ولا حرف من إسمك إلو

قدام شيخ الفار يا صغار إعقلو وعبير موسى بحبل لا تنزلو

شو هالمرض إن ما وصلتو بتزعلو إلا ما وصلكن ما بتوصلو

طليع:

جدك زغيب أن قدم الزين المطيع حمدان جدي بالعطا أكثر طليع

بحرف الإلف والنون عنو روح ذيع كمل إسم لبنان ع شفاف المذيع

إن ما حملت منك حرف يا أرز البديع بقلك شو حامل تبقي لونك ربيع

حامل ضلوعي تطلعت مثلي رفيع وحامل ضلوعك تطلعت مثلك منيع

إنت الطليع بغابة الشرق الوسيع ومثلك طليع الشعر يا أرز الطليع

وموسى وألف موسى يجونا عالسريع بيحنو لنا يا أرز يا بي الجميع

نحنا طليعين المنابر والشجر مطرح ما يطلع مجد عم يطلع طليع

موسى:

مطرح ما يطلع أ رز يا عشب الصقيع بتطلع عكعب الأرز وبتبقى وضيع

ومهما القصب يطلع مع الأرز البديع بظل خصرو معقد وعنقو رفيع

شوف يا طليع ال معتبر حالك ضليع أسأل ضمير الشعب وإستفتي الجميع

ألأرزه أنا حتى الكرامه ما تضيع ما فيك تطلع حد مني يا طليع

حيث المنابر والزجل ما بيقبلو يطلع قصب عكعب أرزة بو ربيع

يا بتحترم جدي ومدى جناحو الوسيع يا ببعثك عديار جدك عالسريع

إتشفع بموسى يا طليع وحدو شفيعك ما إلك غيرو شفيع

طليع:

تركني قصب عطشان عم بسقي الزكي مجروح عم ببكي الموسيقى دهدكي

فيروز بتغني بليل الليلكي ولحن القصبجي بمصر عمر مملكي

ومزمار داؤود النبي منك شكي وقلك على النايات لا تكثر حكي

ناي القصب ع جرحتو الشاعر حكي وعكل بحة ناي في عاشق بكي

لكن شو بعمل فيك الله خالقك لا بالجروح بتفهم ولا بالبكي

يا راعيه السمرا القصب غنى لكي قالت شوباك قال دخلك شوبكي

ولما عتخت النبيذي بتتكي بفكر أنا خصرك عتكايه تكي

موسى:

وفاهم عليك وعكلامك شو عني أكثر ما فهمت عالحبوب المطحني

وع كل كلمه مغلفي ومبطني لوم حالك لا تلوم الألسني

طليع:

جيبي الوصايه يا سنا وصوبي تعي لمي صلاتك من خيالي وإشبعي

وعفوك يا ربي يا ضميري ومرجعي عبدك أنا وحلمي على سريرك وعي

إنت رب الكون يا رب الوعي ورب الشعر وديتني من مطلعي

وموسى النبي وموسى زغيب المدعي واحد إلك واحد إلي جد السعي

موسى طلع عالطور تيحكي معك موسى ع المنبر طلع يحكي معي

يا آلهات الشعر عكتافي إطلعي وتتشبعي مجد بطليع إتطلعي

موسى شو كاتب وراق النعي يا مين يقرأ وصيتو ع مسمعي

موسى:

شوف يا طليع صخر الزغيبي بمقلعو بعدك صغير وما بتقدر تقلعو

وقت إللي فك السبع كنا نخلعو كان بعد ما عندك شوارب يطلعو

بحكي معك والجفت مين بيمنعو كل ما حكي يذمو الطيور ويوقعو

يا فروخ جيل القحط لمو طليع وبالحكي لا تطمعو

بحيث الزغيبي ال كان يحكي مع خليل ممنوع إلا ربكن يحكي معو

ركابي عواميد السما ما بيركعو لو بيركعو مداميكها بيتزعزعو

وع هالحكي ال منك بحقي سامعو الليله الثمن غالي معي رح تدفعو

طليع:

شو كنت يحكي مع خليل اللي إنضنى كنت الفقر عالمنبر وكان الغنى

إن كنك معي جاي تتبني هالبنى الليله ضريحك بحفرو بسن القنا

وت ربنا يحكي خلودك مع فنى مينك إنت حد الجبل يا منحنى

إن حطوك حد قصايدي ال فيهن جنى بتطلع يا موسى زغيب كسرة ميجانا

ولما تدخل ربنا في جوقة غنى بيني أنا وبين الخليل ال إنجنى

بتسكت يا موسى إنت وبيسمع خليل ومره بيحكي ربنا ومره أنا

عفك فك السبع لو صوبي د نى بشلو لقلب السبع لو صوبي دنا

وجيلي أنا بمربى الشوارب ما إعتلى بس العقاب جوانحو شوارب لنا

موسى:

بوقت الحكي ع الرب إحكي بإحتشام وجوق الزجل لا تدخلو عليه السلام

ولو يسمعك بو روكز من القبر قام تبارى معي ووداك بمحلو تنام

بسكت أنا وروكز تتحكي يا سلام تحكم حكي الغربان بسكوت الحمام

إحنا مثل خطب المراجع والمقام بنشنق ضجيج الحرب بسكوت السلام

وبين الكلام الفارغ من الألتزام ومجنون يحكي وعاقل يحك الأقلام

قالو البشر موسى بهدوء المعرفه غلى السكوت وإنت رخصت الكلام

يا كفوف لا تخافو إذا راح الإمام لا بد ما إرجع بعد ألفين عام

وأمرق مثل ريح الصحاري عالخيام وطل ما بيجمح مهر أقرصلو لجام

طليع:

مش بس وحدي رخصت إنتو بتفهمو رخصو المدامع ت الخدود تحممو

رخصو الهدايا ت اليتاما تبسمو رخصو المشاهي ت العذارى توحمو

بلشت يا موسى لمجدك تهدمو الإ بحجه قاطعه لا تدعمو

برخص كلامي بهذبو وبنعمو مثل النذر يما بلاش نقدمو

مثل الشمع يللي الرخص ما عتمو مثل الهنا بالضيف لما نعزمو

رخصي كرم حب الكريم وكرمو ضيفي إذا من عالم بيستطعمو

برخص حياتي وبطعمو سنين الحياة بس ال مثل فضلك خبز ما بيطعمو

موسى:

مجدي حصون مطوقات بمدرعات لا بتهدمو ولا فيك تعمل معجزات

زخبزي شعر معجون بدموع البنات ومخبوز عجمرة خدود الآلهات

وما بطعم العالم حبز ومعجنات عم بكعم المعهد كتب ومؤلفات

خبز البكون على صواني الخادمات وخبز العقول على رفوف المكتبات

وشو فيك تعمل يا فقير المعطيات ما زال عندك فرن عندي معلقات

عم تكعم الأجساد من خبز الفنا وعم بطعم الأرواح من خبز الحياة

الشاعر نهر بولد الصحرا نبات وبظل يحكي ع الورق لو كان مات

من هيك يا حمدان صك الطوع هات لا تجابه الفانتوم بسلاح المشاة

شوف يا طليع صخر الزغيبي بمقلعو بعدك صغير وما بتقدر تقلعو

وقت إللي فك السبع كنا نخلعو كان بعد ما عندك شوارب يطلعو

بحكي معك والجفت مين بيمنعو كل ما حكي يذمو الطيور ويوقعو

يا فروخ جيل القحط لمو طليع وبالحكي لا تطمعو

بحيث الزغيبي ال كان يحكي مع خليل ممنوع إلا ربكن يحكي معو

ركابي عواميد السما ما بيركعو لو بيركعو مداميكها بيتزعزعو

وع هالحكي ال منك بحقي سامعو الليله الثمن غالي معي رح تدفعو